PAPA

http://youtu.be/GsXDiIeqR2s

Suna he woh duniya bahut khoobsurat he,

wahan rang birange phool hare bhare khet neel warn aakash he,

har waqt thandi bayaar behti he,

kal-2 jharno ke sur sudoor tak sunayi dete he,

PAPA mene yeh bhi suna he ki waha ki raah bahut nirmal hai,

waha sirf prem basta he,chal kapat avgun dosh kuch nahi hota..

kuch Virle hi pahunch pate he waha jahan aap gaye ho akele...

Aapne toh sari duniya hath pakad ke dikhane ka wada kiya tha na

fir yahan bhi sath le chalte,

aap ungli pakadte meri aur samjhate ki beta yeh jo jharne he aviral behte he,

yeh nadiya rukti nahi he,yeh phool apna rang kabhi nahi khote!!

Nahi khote yeh phool apna rang kabhi..

Itni badi berang duniya dikhayi aur woh adbhut drishya dekhne akele kyun chale gaye.

Suna he waha apno ke sath SWARG jesa lagta he,arrey haan woh Swarg hi toh he!!!!

Mein choot gayi akeli PAPA piche..

sath le lo..

Yeh duniya ungli pakad ke dikhayi toh woh kyun nahi,

kya mera sath itna bura tha jo beech majhdhaar me chod gaye,

mene koi galti ki jo uski saza de rahe ho,

saza dete toh nahi aap kabhi fir is bar kyun..

Papa bahut door chale gaye per fir bhi mere pas ho.

Kehte he bachcho ki aankho me pita ki umeede janam leti he,palti he ,badhti he,

per aansuo me bheeg kar roshni kamjor si hone lagi he,

dabdabayi aankho me kin sapno ko sambhalu me...

Puri koshish se aapke sapno ko ked karne ki koshish karti hu,

 per chalak ke gaal per beh nikalte he..

fir kamzor ho jati hu...

bahut mushkil he...

ab sapney aapke hi reh gaye he bas yahan mujhe pura karna he,

 mera sapna toh aapke saamne apne sapno ko jeena tha..

mera sapna tut gaya per aapka nhi tutne dungi..

kyun log itna samjhate he ..

ya toh aap aa jao ya mujhe bula lo..

beech ka raasta mujhe samajh nahi aata..

Suna he wahan akele pad gaye honge aap....

ya humse bhi achche log mil gaye....??

aap khush raho bas itni hi khwahish bachi he meri zindagi me....

likhti rahegi aapki beti...

Sudha Ram Joshi..