SAMMAAN

Mene khidki se jhaank kar dekha…  toh sehmi si roshni thi aaj,

Socha kis tam me kho gaya yeh ujala…

Ja ker poocha ki aaj yeh andhtam sa din kyu he

Pata chala aaj  samman ne apni hasti kho di

Samman kis ka?

Ek janni ka..ek jeevan ka.. ek janmdatri ka !!!!

Bola esa toh pehle bhi hua tha, yeh toh roz hota he

Roz toh ujala apni aanch nhi khota he

Toh uttar mila aaj dhairya ne bhi apni hasti kho di he

Dhairya kis ka?

Ek maa ka, ek pita ka ek bhai ka ek samaaj ka

Fir ek sawaal ubhar ke aaya

Kab tak rahega yeh drishya…?

Uttar nahi tha….

Shayad he bhi nahi..

Hum aadi he har paristithi ke

Darr he ki yeh sehmi si roshni huamare jeevan ka hissa na ban jaye..

Aur apmaan ki kahaani bas ek kissa na ban jaye L