Shuruwaat Toh Ki Hai

Aansu  The  Woh,

Moti  Banana Ki  Shurwaat  Toh  Ki  Hai,

Lakdi  Ke  Pulindo  Se

Kashti  Banana  Ki  Shuruwaat  Toh  Ki  Hai ..

Yoon  Toh  Humne  Andhero   Ke   Saath  Bhi  Dosti  Kar  Li  thi,

Aaj  Ujaalo  Ke  Saath  Do  Do  Hath  Karne  Ki  Shuruwaat  Toh  Ki  Hai…

Ek  Veeran   Akeli  Surang  Ko  Apna  Raasta  Banaya  Tha,

Aaj  Uspe  Do Kadam  Badhane  Ki  Shuruwaat  Toh  Ki  Hai..

Kehna  Tha  Logo  Ka

Umra  Guzar  Jaati  Hai  Ek  Chote  Se  Khwaab  Ko  Poora  Karne  mein,

Ek  Ek  Taare  Se  Khwaahishon  Ka  Aasma  Bharne  Mein,

Aaj  Aankhein  Khol  Ker  Sapney  Dekhne  Ki

Shuruwaat  Toh  Ki  Hai…

Kya  Pata  Umra  Hi  Guzar  Jaaye

Per  Ek  Sapney  Ke  Liye Hi  Sahi

Maine  “Sur”  Jeene  Ki

Shuruwaat  Toh  Ki  Hai……. !!!!