Shayad woh waqt ab
wapis nahi ayega
Jab Jazbato ka Mol waqt se badhkar tha
Aaj ki hitech duniya me mujhe har roz ek jumla sunne ko
milta he
Kya Karu Yaar Waqt Nahi Milta Hai….
Mene kal is jawab ka Postmortem krne ki soch mera phone
uthaya
Ab baat krne ka waqt kiske paas he yeh soch Whatsapp ke ping
ko hathiyar banaya
Contact list ko jab khangaala toh kitne hi contacts supt
pade the
Har ek contact ko mene messasge kar dala
"Kya yaar dost ko bhul gaye"
Hairaan pareshan si me Phone ko dekhti rahi
Har ek shaks bas ek hi jawab likhta he
Kya Karu Yaar Waqt Nahi Milta Hai….
Kuch mere karibi he aur khushi he ese 2-4 nahi list meri
lambi he
Jo mujhe waqt se upar ahmiyat dete he
Per kuch dosto ki paribhasha me aapko dungi
Aur mujhe yakeen he ese dost aapki soochi me bhi honge
Ek woh jo har waqt pareshani k maare message ka reply nahi krte
Per jese hi koi kaam ho woh aapko yaad krne me nahi hichakte
Me thodi si ashcharya me pad jati jab esa koi sandesh padhti
Kya ese logo ke liye Avsarwadita hi he dosti…
Dukh pareshani kiske jeevan me nahi hote
Per ese dost har waqt khud me hi rote
Maana aap pareshan he
Rai si hamari pareshani aapki himalay samaan he
Per fir bhi jeewan he hi sangarsh ka naam
Aur ant me aate he apne hi kaam
Duniya ka dukh apne kando per leke chalne se kya milta he
Kya Karu Yaar Waqt Nahi Milta Hai….
Ek woh hote he jo kaam k bojh tale itne dab jate he
Ki duniya se sarokar
unka tut jata he
Kehne ko kitne bhi khali kyu na ho
Per sunne me unse yahi aata he
Jimmedari bhale choti si ho wese
Per sara desh unhi sambhaalna he jese
Sun ker mera man honth daba k hansta..
Kya Karu Yaar Waqt Nahi Milta Hai….
Kuch dost jo bade apne the aajkal ek aur wajah se begaane ho
gaye
Hum kya bataye aapko unke bare me bas itna kahenge woh deewane
ho gaye
Pehle raat ko 2 baje bhi hum unke liye mann behlane ka
khilona bhar the
Khilona isliye ki dost hote toh sath hote
Aajkal pyaar ki kashti me woh apne priyatam k sath safar per
he
Aur dost jinke ideas ki sidhi per chadhke manzil payi he
unhone apne pyaar ki
woh unke liye disturbing objects hai..
Din bhar lovey dovey baato me mashgool pyaar k dariya me
doobe
Esa dost bhi yahi kehta he
Kya Karu Yaar Waqt Nahi Milta Hai….
Kuch aasmaan pane ki chahat me zameen ko bhul chale he
Jinke sath sapno ko beth ker akaar diya tha
Woh karibi ab door k ho chale he
Kitabo k last page per jinke sath Best friends aur friends
forever k do shabd likhe the
Aaj kal who dost facebook per Hi tak nahi likhte he
Tez race me who itna tez bhaage ki unka saaya bhi nhi dikhta
he
Aur unhone bhi yahi bola
Kya karu yaar Waqt nahi Milta he
Thoda sa ruko…Thehro…. Sab kuch paa lene k sapne achche he…
Dukh aur pyar bhi ek waqt tak sath denge …
Per ek rishta jo humne khud banaya woh zindagi bhar sath reh
sakta he
Per usko sanwaarne k liye bas ek ingredient lagta he
Waqt… Samay… Time…
Jo sath the apke pehle pyaar me
Canteen k gapshap me
Teachers ki nakal me
Exams k farro me
Boriyat ki un raato me
Chote mote dukh dard me
Garmi barish aur sard me
Chota sa hissa
zindagi ka unke naam karna Yaar Banta he
Shayad ab yeh sunne ko kisi dost ko na Mile
Kya Karu Yaar Waqt Nahi Milta Hai….!!!!!
